"Միլան"-ի երկրպագուները չեն ցանկանում Զեեդորֆին տեսնել գլխավոր մարզչի պաշտոնում

Իտալիայում գրեթե համոզված են, որ հաջորդ մրցաշրջանում իտալական «Միլան»-ը  կգլխավորի  ակումբի նախկին ֆուտբոլիստ Կլարենց Զեեդորֆը, իսկ ակումբի գործող մարզիչ Մասիմիլիանո Ալեգրին կտեղափոխվի «Ռոմա»: Այս առիթով «Միլան»-ի երկրպագուները բողոքի ակցիա են կազմակերպել: Նրանք չեն ցանկանում թիմի գլխավոր մարզչի պաշտոնում տեսնել Զեեդորֆին, քանի որ վերջինս մարզչական պրակտիկա չունի:

Football Italia-ի փոխանցմամբ` անցած գիշեր ոստիկանությունը բերման է ենթարկել տասնյակ ցուցարարների, ովքեր պարզել էին պաստառ, որի վրա գրված էր.«Զեեդո՞րֆ:Ո'չ, շնորհակալություն»:

Միևնույն ժամանակ` Corriere dello Sport-ի հավաստմամբ, «Միլան» կարող է վերադառնալ նաև լեգենդար պաշտպան Պաուլո Մալդինին, և ստանձնել ակումբի մարզական տնօրենի պաշտոնը: