ՊԲ մի շարք սպաների կոչումներն ու պաշտոնները բարձրացվել են

ԼՂՀ ՊՆ, ՊԲ հրամանատար, գեներալ-լեյտենանտ Մովսես Հակոբյանի մոտ երեկ կայացել է կադրային ընդունելություն, որոնց մասնակցում էին պաշտպանության բանակի կադրերի բաժնի հաշվառման ու թեստավորման բաժանմունքում քննությունները հաջող հանձնած սպաները:

ՊԲ լրատվական բաժնից հայտնում են, որ ընդունելության ժամանակ բարձրացվել են մի շարք սպաների կոչումներն ու պաշտոնները:

Բանակի հրամանատարն ընդունել է նաև նախապես հերթագրված քաղաքացիներին, ծանոթացել նրանց հուզող խնդիրներին, որոնք վերաբերում էին իրավական, սոցիալական և այլ ոլորտներին: Մովսես Հակոբյանը ընդունելության ժամանակ հանձնարարել է քննարկել և անհրաժեշտ աջակցություն ցուցաբերել քաղաքացիների կողմից բարձրացված հարցերին: Իսկ մի շարք հարցեր էլ իրենց լուծումները գտել են հենց պաշտպանության նախարարի հետ հանդիպման ընթացքում: