ԱԻՆ-ը համալրվել է նոր, ամերիկյան սարքերով

ՄԱԿ-ի Զարգացման ծրագրի (ՄԱԶԾ-UNDP) ֆինանսական աջակցությամբ ձեռք են բերվել ՀՀ ԱԻՆ ՍՊԾ Ազգային մոնիթորինգային դիտացանցի 14 գործող հիդրոերկրադինամիկական (ՀԵԴ) հորատանցքերում ստորգետնյա ջրերի մակարդակի ավտոմատ չափման, գրանցման և հաղորդման ժամանակակից, բարձր զգայնության, ամերիկյան սարքեր:

2013 թ. նախատեսվում է իրականացնել սարքերի հավաքման և ՀԵԴ հորատանցքերում տեղադրման աշխատանքներ, որոնք նպատակ ունեն արդյունավետ դարձնել ուժեղ երկրաշարժերի կանխատեսման գործընթացը: Պատրաստվել է հորատանցքերում ջրի մակարդակը չափող լաբորատորային աշխատող նմուշ: Շուտով այն փորձնական կտեղադրվի Մեծամոր դիտակետում գտնվող հորատանցքի վրա, որտեղ չափումներ են իրականացվում 1986 թվականից: