Ամերիկացի զբոսաշրջիկին քար հավաքելու համար դատելու են Թուրքիայում

Ամերիկացի զբոսաշրջիկին, ով Անթալիայի ափերից քարեր էր հավաքել, մեղադրում են հնությունների մաքսանենգության մեջ. տեղեկացնում է The Telegraph-ը:

Ըստ թեթրի` 30-ամյա ամերիկացուն  անցյալ շաբաթ Անթալիայի օդանավակայանումհարցաքննել են անվտանգության ծառայության աշխատակիցները, քանի որ նրա բեռում գտել են ծովափնյա քարեր, այդ թվում` աղյուսի կտորներ ու մարմարի եռանկյուն կտոր, որոնք գնահատվել են որպես արժեքավոր հնություններ: Ամերիկացին հայտարարել է, որ կնոջ հետ տարբեր ափերից, որպես հիշատակ, քարեր հավաքելու սովորություն ունեն: Նա համոզված է եղել, որ բեկորները ժամանակակից շինությունների մնացորդներ են, այլ ոչ թե հնություններ, քանի որ դրանք գտել է սովորական ափում, որի մոտակայքում պատմական վայրեր կամ հուշարձաններ չկան:

Ներկայումս տղամարդն ազատության մեջ է, սակայն նրան արգելել են լքել Թուրքիան: Նա սպասում է դատարանի որոշմանը: Ի դեպ, Թուրքիայում պատմական հնությունների մաքսանենգության համար 12 տարի ազատազրկում է սահմանված: