Մանկատան բուժքույրերը խշոտանգել են երեխաներին

ՌԴ Խաբարովսկի երկրամասի մանկատներից մեկի երկու բուժքրոջ կասկածում են երեխաներին խոշտանգելու մեջ: Փաստով քրեական գործ է հարուցվել. տեղեկացնում է РБК-ն:

Հետաքննության տվյալներով` դեպքը տեղի է ունեցել ապրիլի 1-ին: Երկու բուժքույրերը` 62 եւ 34 տարեկան,  ինչ-որ բան են նշել աշխատավայրում եւ օղի խմել: Միաժամանակ մի քանի երեխաներ արթնացել են ու սկսել լաց լինել: Դրանից զայրացած կանայք սկսել են ծեծել երեխաներին. հարվածել են 3-ամյա տղայի ու 10-ամսական աղջկա, իսկ 7 ամսական մի երեխայի, գլխով հանդերձ, փաթաթել են վերմակով, դրել պլաստիկից կոնտեյների մեջ ու տարել սենյակի հեռավոր անկյունը:

Առավոտյան մանկատան աշխատակիցները երեխաների մարմիններին բազմաթիվ վնասվածքներ են հայտնաբերել: Նրանց տեղափոխել են հիվանդանոց: Ամենից շատ տուժել է 7 ամսական երեխան, նա կոմայի մեջ է:

Ի դեպ, մանկատան ղեկավարությունը կատարվածի մասին իրավապահներին տեղյակ է պահել միայն ապրիլի 8-ին: