Սահակաշվիլին միլիոններ է ծախսել զվարճալիքների վրա

Վրաստանի նախագահի, նրա ընտանիքի եւ ընկերների ճանապարհորդությունները, նաեւ թանկարժեք նվերները ֆինանսավորվել են պետական պահպանության հատուկ ծառայության գաղտնի բյուջեից. այսօր Վրաստանի խորհրդարանում ներկայացրել է պատգամավոր Իրինա Իմերլիշվիլին:

«Երբ այդ ծառայությունը նախագահի ենթակայությսւնից անցավ կառավարության ենթակայության տակ, գաղտնիությունը հանվեց: Մարտի 12-ին մենք դիմել ենք գլխավոր դատախազություն` տեղեկատվություն ներկայացնելով ծառայության ծախսերի մասին: Պատասխանը եւ մեր ստացած նյութերը շոկի մեջ են գցում` աննպատակային մսխվել են միլիոններ»,- նշել է պատգամավորը` հավելելով, որ, մասնավորապես, Դուբայում նախագահը եւ նրա ընկերները 240 հազար լարի են ծախսել, կամ` թանկարժեք նվերներ են գնվել որոշ մարդկանց համար, օրինակ` բջջային հեռախոս, ապարանջան, իսկ նախագահի իսպանացի խորհարարին պահելու վրա ծախսվել է կես միլիոն լարի. տեղեկացնում է Apsny.ge-ն: