Քուրդ զինյալները սկսելու են դուրս գալ Թուրքիայից ապրիլի 22-ից

Քրդական բանվորական կուսակցությունը սկսելու է իր զինված ջոկատները Թուրքիայից դուրս բերել ապրիլի 22-ից. տեղեկացնում է РИА Новости-ն ` վկայակոչելով թուրքական ԶԼՄ-ներ:

Քրդերը 7-10 հոգանոց խմբերով լքելու են թուրքական տարածքները`շրջանցելով ռազմական շրջաններն ու բնակավայրերը: Գործընթացը հավանորեն կավարտվի սեպտեմբերին: Այն վերահսկելու են Թուրքիայի հատուկ ծառայությունները եւ քրդամետ Խաղաղության եւ ժողովրդավարության կուսակցությունը:

Թուրքիայի իշխանություններն անցյալ տարվա հոկտեմբերից բանակցություններ են վարում քուրդ զինյալների ղեկավար, ՔԲԿ առաջնորդ Աբդուլլահ Օջալանի հետ, ով ցմահ բանտարկված է Իմրալը կղզու բանտում: Բանակցություններն ուղղված են 35-ամյա զինված հակամարտությանը վերջ տալուն, որն ավելի քան 40 հազար կյանք է խլել: Մարտին Օջալանը կոչ արեց իր կողմնակիցներին դուրս բերել զինված ջոկատները Թուրքիայից եւ բանակցություններ սկսել իշխանությունների հետ: