Գերմանիայում ստեղծվում է նոր կուսակցություն, որը դեմ է եվրոյին

Գերմանիայում անցկացվում է նոր` «Այլընտրանք Գերմանիայի համար» կուսակցության առաջին համագումարը, որը հանդես է գալիս եվրոպական արժույթից հրաժարվելու օգտին. տեղեկացնում է BBC-ն:

Հարցումները ցույց են տալիս, որ նոր կուսակցությունը դժվար թե մեծ աջակցություն ունենա սեպտեմբերին կայանալիք համընդհանուր խորհրդարանական ընտրություններում, սակայն, ըստ վերլուծաբանների, այն կարող է զգալի ձայներ խլել իշխող Քրստոնեա-դեմոկրատական կուսակցությունից:

Համագումարի մոտ 1,5 հազար մասնակիցները ոգեւորությամբ են լսել իրենց առաջնորդ Բերդ Լյուկեի ելույթը: «Եվրոն ֆիասկո է ապրել, եւ սխալ կլինի շարունակել հավատալ հեքիաթին»,- հայտարարել է նա` հավելելով, որ օգնությունը Հարավային Եվրոպայի երկրներին չի օգնի նրանց, այլ ավելի կբարդացնի վիճակը: