Գալուստ Սահակյանը մտքում հայհոյեց Փոստանջյանին

ԱԺ ավանդական ճեպազրույցում ԱԺ «Ժառանգություն» խմբակցության քարտուղար Զարուհի Փոստանջյանը հայտարարեց, որ Սերժ Սարգսյանը, ոչ որպես մարդ, ապրիլի 9-ին կնքեց իր մահկանացուն: Փոստանջյանի այս հայտարարությանը լրագրողների խնդրանքով անդրադարձավ ԱԺ ՀՀԿ խմբակցության ղեկավար Գալուստ Սահակյանը:

«Ասում են` 4 երեխաների մայր է, լավ կպատասխանեմ... Ամբիցիաներով, առարկայական աղմուկով ինչ-որ բան ասել, ինչ-որ բան հորդորել, դա քաղաքական ճակատագրի վախճան է: Եթե լուրջ մոտեցումներով ձեւավորված գաղափար արտահայտեր, բնականաբար, կպատասխանեի, բայց դե կին է, ես չեմ կարող հայհոյանքին հայհոյանքով պատասխանել, մտքումս պատասխանեցի»,- հայտարարեց  նա:

Սահակյանը նաեւ նշեց, որ ապրիլի 9-ի իրադարձություններից հետո դարձյալ ունենք ոչ թե ընդդիմություն, այլ ընդդիմություններ` ցաքուցրիվ, ինչից իշխանությունների վիճակը չի լավանում: