ՀԴԲ-ն հարցաքննել է Դեւիդ Պետրեուսին

Հետաքննությունների դաշնային բյուրոն (ՀԴԲ) հարցաքննել է ԱՄՆ Կենտրոնական հետախուզական վարչության նախկին ղեկավար Դեւիդ Պետրեուսին. հայտնում է Лента.ру` վկայակոչելով USA Today թերթը:

Զրույցը տեղի է ունեցել Պետրեուսի Արլինգտոնի (Վիրջինիա նահանգ) տանը: ՀԴԲ-ում հաստատել են միայն, որ հետաքննություն են անցկացրել: Զրույցի մանրամասների մասին չեն ցանկացել խոսել նաև Կենտրոնական հետախուզական վարչությունում` ասելով միայն, որ պատրաստ են համագործակցել ՀԴԲ-ի հետ:

Պետրեուսը 2012-ին հրաժարական էր տվել արտաամուսնական կապի պատճառով: Այժմ ՀԴԲ-ն փորձում է պարզել` չի՞ տրամադրել, արդյոք, Պետրեուսն իր սիրուհուն գաղտնի տեղեկություններ: