Դատախազությունն ընկել է Վարդան Վարդանյանի հետեւի՞ց

Քաղաքաշինության ոլորտում նախկին նախարար Վարդան Վարդանյանի օրոք տեղի ունեցած խախտումների փաստով հարուցված քրգործերը վերանայելու քննարկումները շարունակվում են. գրում է «Հրապարակը»:

Երեկ առավոտյան դատախազ Աղվան Հովսեփյանի մոտ քննարկում է տեղի ունեցել, տեղեկացնում է թերթը, որին մասնակցել են նաեւ քաղաքաշինության ներկայիս նախարար Սամվել Թադևոսյանն ու նրա տեղակալները: Խոսվել է քննության որակի ու ընթացքի մասին:

Ըստ «Հրապարակի» աղբյուրի, Ա. Հովսեփյանը հանձնարարել է ենթականերին ավելի ուշադիր քննել գործը: Ընդգծել է, որ այդ գործերի քննությամբ է պայմանավորված եղել ՀՀ գլխավոր դատախազության ընդհանուր բնույթի հանցագործությունների գործերով վարչության պետ Սուրիկ Պարսամյանի պաշտոնանկությունը: