Արքայազն Ուիլյամը գործազուրկ կդառնա

Մեծ Բրիտանիայի արքայազն Ուիլյամը գործազուրկ կդառնա: Նրան կհեռացնեն ռազմաօդային ուժերից կառավարության` ծախսերը կրճատելու վերաբերյալ որոշման պատճառով. տեղեկացնում է mignews.com-ը:

Բրիտանական իշխանությունները որոշել են հրաժարվել թագավորական ռազմաօդային ուժերի փրկարարա-որոնողական ուղղաթիռային ծառայությունից եւ 10 տարվա պայմանագիր են կնքելու ամերիկյան ընկերություններից մեկի հետ: Այդ միջոցառումը կարող է պետական բյուջեի համար 1,5 մլրդ ֆունտ ստերլինգ խնայել:

30-ամյա Ուիլյամը կավարտի իր ծառայությունը ռազմաօդային ուժերում այս տարվա ամռանը, երբ նրա կինը` դքսուհի Քեյթը, լույս աշխարհ կբերի իրենց առաջնեկին: Արքայազնը պաշտոնապես կհայտարարի աշխատանքից հեռանալու մասին հաջորդ ամիս: