Facebook-ի հիմնադիրը քաղաքական շարժում է սկսում

Facebook-ի հիմնադիր Մարկ Ցուկերբերգը մի քանի ինտերնետային ընկերությունների ղեկավարների և քաղաքագետների հետ որոշել է քաղաքական շարժում հիմնել: Շարժման նպատակը լինելու է ԱՄՆ քաղաքացի դառնալու գործընթացի պարզեցմանը հասնելը. գրում է Wall Street Journal-ը:

Քաղաքական այս շարժումը, որը դեռևս անվանում չունի, ֆինանսավորում է հատկացնելու գիտական ուսումնասիրություններին, նախաձեռնելու է օրենսդրական բարեփոխումներ տարբեր ոլորտներում` սկսած ներգաղթի հարցերից, վերջացրած կրթության հարցերով: Եվ այս ամենի համար շարժումը նախատեսում է հավաքել 50 միլիոն դոլար: Այս ուղղությամբ աշխատում է Ցուկերբերգը` իր մտերիմ ընկեր Ջո Գրինի հետ, ում հետ նույն սենյակում է ապրել Հարվարդի համալսարանի հանրակացարանում:

Այս կապակցությամբ Ցուկերբերգը հրաժարվել է որևէ մեկնաբանություն անել: