ԼՂՀ ԱԺ-ում Լիտվայի հետ բարեկամական խումբ կստեղծվի

ԼՂՀ ԱԺ նախագահ Աշոտ Ղուլյանը Արցախի Հանրապետության Ազգային ժողովում Լիտվայի Հանրապետության հետ բարեկամական խումբ ստեղծելու մասին կարգադրություն է ստորագրել։

«Ընդառաջելով Լիտվայի Հանրապետություն-Արցախի Հանրապետություն բարեկամական խումբ ստեղծելու մասին Լիտվայի Հանրապետության Սեյմասի մարտի 14-ի նիստում հրապարակված հայտարարության վերաբերյալ ԼՂՀ Ազգային ժողովի խմբակցությունների առաջարկությանը և ղեկավարվելով «Ազգային ժողովի կանոնակարգ» ԼՂՀ օրենքի 18-րդ հոդվածի 1-ին կետի «ի» ենթակետով և 3-րդ կետով, որոշում եմ՝ Ստեղծել ԼՂՀ Ազգային ժողովի Արցախի Հանրապետություն-Լիտվայի Հանրապետություն բարեկամական խումբ»,-  հայտնում են ԼՂՀ ԱԺ մամլո գրասենյակից:

Արցախ-Լիտվա բարեկամական խմբում ընդգրկվել են պատգամավորներ Գագիկ Պետրոսյանը և Արամ Գրիգորյանը` «Հայրենիք» խմբակցությունից, Վահրամ Աթանեսյանը և Արևիկ Պետրոսյանը՝ «Ժողովրդավարություն» խմբակցությունից, Վահրամ Բալայանը «Դաշնակցություն» խմբակցությունից։