Pussy Riot-ի ''սրբապատկերի'' հեղինակին կանչել են դատախազություն

Նովոսիբիրսկի Ժելեզնոդորոժնի շրջանի դատախազությունը հետաքննություն է իրականացնում համացանցում Pussy Riot պանկ-խմբի «սրբապատկերի» տեղադրման փաստով:

«Ինձ զանգահարեցին դատախազությունից եւ առաջարկեցին իրենց այցելել` զրույցի նպատակով: Դատախազի խոսքերով` ստուգումն իրակացվում է մի խումբ քաղաքացիների հայտարարության հիման վրա` կայքում տեղադրված «սրբապատկերի» փաստով»,- Интерфакс-ին պատմել է նկարի հեղինակ Արտյոմ Լոսկուտովը: Նա հավելել է, որ հիվանդ է եւ հետաձգել է այցը դատախազություն մինչեւ երկուշաբթի:

Լոսկուտովին վստահեցրել են, որ դեռեւս քրեական գործ չի հարուցվել, առայժմ փաստերն են ստուգվում:

Ի դեպ, 2012-ի մարտին Նովոսիբիրսկի որոշ շրջանների գովադային վահանակներին հայտնվել էր կարմիր վերարկուով եւ մանուշակագույն թիկնոցով կնոջ նկար` երեխան գրկին, նաեւ `գրությամբ` СВБД ПСРТ («Свободу Pussy Riot»` «Ազատություն Pussy Riot-ին»):