Հանրապետականներն աշխատում են Օբամայի ընտրազանգվածի հետ

ԱՄՆ-ում Հանրապետականների ազգային կոմիտեն 10 միլիոն դոլար կծախսի` 2013 թվականին լատինաամերիկական, աֆրոամերիկական և ասիական ծագում ունեցող քաղաքացիների հետ քարոզչական աշխատանքներ տանելու ուղղությամբ:

Ինչպես հաղորդում է FoxNews-ը, վերջին նախագահական ընտրությունների ժամանակ պարտություն կրելուց հետո Հանրապետական կուսակցությունը որոշել է հաշվի նստել վերջին շրջանում բնակչության ռասսայական փոփոխությունների հետ:

Այսպիսով` հանրապետականները սկսել են պատրաստվել 2016-ի նախագահական ընտրություններին:

Նշվում է, որ լատինաամերիկյան, աֆրոամերիկյան և ասիական ծագում ունեցողների մեծամասնությունն իրենց ձայնը տվել են ներկայիս նախագահ Բարաք Օբամային: Այսինքն` հանրապետականները փորձում են աշխատել Օբամայի ընտրազանգվածի հետ: