Թագուհին խտրականությունն արգելող փաստաթուղթ կստորագրի

Մեծ Բրիտանիայի թագուհի Ելիզավետա Երկրորդը երկուշաբթի օրվանից սկսել է աշխատել` ի  պատիվ Համգործակցության օրվա, թեև մի քանի օր պետք է հանգստի վիճակում մնար. հաղորդում է BBC-ին:

Ավելի վաղ հայտնել էինք, որ թագուհին տեղափոխվել էր հիվանդանոց` գաստրոէնտերիտի ախտանշաններ ունենալու պատճառով:

Այսօր առավոտյան, երբ բժիշկը զննել է նրան, հայտնել է, որ դեռևս վաղ է երկարաժամ ծառայության համար և հիվանդությունը թոթափելու համար ևս մի քանի օր է պետք:

Սակայն Ելիզավետա Երկրորդը նախկինի պես պլանավորում է երեկոյան ընդունելություն անցկացնել. միջոցառման ժամանակ նա փաստաթուղթ է ստորագրելու, որով արգելվում է բրիտանական Համագործակցության երկրներում բոլոր տիպի խտրականությունները` այդ թվում նաև կապված սեռական կողմնորոշման հետ: