Արմեն Ղուլարյանը հունից դուրս եկավ

Տավուշի մարզպետ Արմեն Ղուլարյանը ՀՀԿ Խորհրդի եւ ԳՄ նիստերից հետո բավականին անտրամադիր դուրս եկավ ՀՀԿ կենտրոնական գրասենյակից: Մարզպետը գրեթե զայրացած էր: Նա նախ քմծիծաղով արձագանքեց լրագրողի այն հարցին, թե` հնարավո՞ր է նախագահը դժգոհ է եղել իր գրանցած արդյունքներից, հետո էլ վստահեցրեց, որ նախագահը շատ լավ է գնահատել իր աշխատանքը:

Yerkir.am-ի հարցից, թե` մնալո՞ւ է պաշտոնին, մարզպետը վերջնականապես հունից դուրս եկավ եւ նշեց. «Դա ձեր գործը չի»: Որեւէ այլ հարցի պատասխանել մարզպետը հրաժարվեց եւ, մեքենան նստելով, հայտարարեց. «Ինչի՞ եք հետեւիցս գալիս, կարող է` ես ուրիշ տեղ եմ գնում»:

Մարզպետի ագրեսիվ պահվածքից եւ կոպիտ պատասխաններից առավել քան ակնհայտ էր, որ ամեն ինչ այդքան էլ հարթ չէ, եւ որ նրա պաշտոնանկությունը սարերի հետեւում չէ: