''Միլան''-ը չի պատժի Բալոտելլիին

Իտալական «Միլան»-ի ղեկավարությունը չի պատժի ակումբի իտալացի հարձակվող Մարիո Բալոտելլիին` երեկոյան ուշ ժամի` գիշերային ակումբ գնալու համար:

Ակումբի փոխնախագահ  Ադրիանո Գալլիանին հայտարարել է, որ ոչ մի վատ բան չի տեսնում ֆուտբոլիստների` գիշերային ակումբներ հաճախելու մեջ. «Ես չեմ կարող արգելել ֆուտբոլիստներին արգելել այցելել և պարել ակումբներում: Դա նրանց օգնում է մի քիչ հանգստանալ և լիցքաթափվել: Հակառակ դեպքում` Միլանի գիշերային ակումբները առանց այցելուների կմնան:

Ինչ վերաբերում է Բալլոտելիի` անհատական ծրագրով մարզվելուն. նա թեթև վնասվել էր «Ինտեր»-ի հետ խաղի ժամանակ: Հուսանք` նա կվերականգնվի մինչև «Լացիո»-ի հետ հանդիպումը»,- ասել է իտալացին: