Կոչ են անում առայժմ ձեռնպահ մնալ Սերժ Սարգսյանին շնորհավորելուց

Լոս Անջելեսում Հայաստանի հյուպատոսության շենքի առջեւ փետրվարի 21-ին բողոքի ակցիա է անցկացվել ՀՀ նախագահի ընտրությունների արդյունքների դեմ:

Ակցիայի մասնակիցների ընդունած հայտարարության մեջ նշվում է, որ քանի դեռ ընտրությունների ժամանակ տեղի ունեցած զեղծարարությունների հետեւանքները չեն վերացվել, իսկ ԿԸՀ-ի հրապարակած պաշտոնական թվերը վստահություն չեն ներշնչում Սերժ Սարգսյանին վերընտրված նախագահ համարել չի կարելի: Նրանք պահանջում են պատժել բոլոր կեղծարարներին, նաեւ կոչ են անում Սփյուռքում գործող կազմակերպություններին առայժմ ձեռնպահ մնալ Սերժ Սարգսյանին հաղթանակի կապակցությամբ շնորհավորելուց. տեղեկացնում է armtoday.info-ն: