ԱՄՆ-ում 2 հայ որոնվում են խարդախության մեղադրանքով

ԱՄՆ իշխանությունները Հայաստանից ներգաղթած երկու անձի են որոնում, որոնք մեղադրվում են առողջապահության ոլորտում խոշոր մեքենայություններ իրականացնելու մեջ. գրում է Glendale News-Press-ը:

Անուշ Սահակյանը և Կարո Գոտի Բլղոյանը մեղադրվում են Հարավային Կարոլինա նահանգում կեղծ հիվանդանոցի միջոցով գումարներ շորթելու մեջ: Գոյություն չունեցող հիվանդանոցի փաստաթղթերով նրանք կեղծ հաշիվներ են ներկայացրել Medicare ընկերությանը` պահանջելով «հաճախորդներին» սպասարկելու դիմաց վճարել  1,1 մլն դոլար: Ընկերությունը վճարել է գումարը, սակայն հետո սկսվել է հետաքննություն, որի արդյունքում էլ բացահայտվել է կեղծարարությունը: