Թռիչքները պետք է սկսել պայմանագիր ձեռք բերելուց հետո. քաղաքագետ

Բաքուն շարունակում է Ստեփանակերտի օդանավակայանի շահագործման դեմ սադրիչ հայտարարությունները, եւ օդանավակայանի բացման քաղաքական խոչընդոտներն ավելի շատ են, քան տեխնիկականները. լրագրողների հետ հանդիպման ժամանակ նշեց քաղաքագետ Լևոն Մելիք-Շահնազարյանը:

Ըստ նրա` Ադրբեջանը փորձում է իր հայտարարություններով ազդել միջազգային կառույցների վրա: «Երբ Ալիևը հայտարարում է, որ կխփի, նախ` մենք գիտենք, որ նա նման քայլ չի անի, քանի որ պատրաստ չէ պատերազմի: Սակայն ոմն պարոն Սմիթի, որը նստած է Լոնդոնում կամ Բրյուսելում, այդ խնդիրները չեն հետաքրքրում: Նա մտածում է` կարող է` խփի, իսկ այդ դեպքում պատասխանը չի ուշանա»,- ասում է քաղաքագետը:

Նրա խոսքերով` թռիչքները պետք է սկսել միայն պայմանագիր ձեռք բերելուց հետո: