Պուտինը հանձնարարել է փակել արմատականների մուտքը ինտերնետ

ՌԴ նախագահ Վլադիմիր Պուտինը Անվտանգության դաշնային ծառայությանը հանձնարարել է արգելափակել արմատականների` ինտերնետը իրենց քարոզչության հարթակ դարձնելու փորձերը: Այն մասին նա հայտարարել է Մոսկվայում գերատեսչությունների ընդլայնված նիստի ժամանակ. տեղեկացնում է РБК-ն:

Ըստ նախագահի` այդ ուղղությամբ հարկավոր է առավելագույնս վճռական գործել: Նա նշել է, որ ծայրահեղականների եւ ահաբեկչական խմբավորումների միջեւ ուղղակի կապ կա:

Պուտինը նաեւ խոսել է  ոչ առեւտրային կազմակերպությունների մասին` հայտարարելով, որ անթույլատրելի է դրսից ֆինանսավորվող այդ կազմակերպությունների միջոցով միջամտությունը Ռուսաստանի ներքին գործերին: