Էպոսագետը չհերքեց, որ խաղատուն է գնում

«Ա՛յ անշնորհք, դու կանգնում ես, մարդկանց վարկաբեկում ես: Ես էլ ձեզ բացահայտ հայտարարում եմ՝ եթե Խաչիկը նարկաման է, ապա ինքն էլ խաղացող է: Դե իմացե՛ք՝ մեր նախագահի թեկնածու Վարդան Սեդրակյանը խաղացող է»,- «Ժողովուրդ» օրաթերթի հետ զրույցում` հայտարարել է Պարույր Հայրիկյանի դեմ մահափորձ իրականացնելու կասկածանքով ձերբակալված Խաչատուր Պողոսյանի զոքանչը` Կարինե Էլչակյանը:

Այսօր լրագրողների հետ հանդիպման ժամանակ, անդրադառնալով խաղամոլ լինելուն, Սեդրակյանը նախ հայտարարեց, որ պետք է նշեին, թե ինչ է խաղում: Լրագրողների դիտարկմանը, թե խաղամոլ ասում են խաղատներ պարբերաբար գնացողին, Սեդրակյանը հայտարարեց. «Նախ կազինո գնալն արգելված չէ, կազինոներն ազատ գործում են, եւ կազինո գնալու համար որեւէ մեկին քրեական պատասխանատվության չեն կանչում»: