ՀԱԿ դաշինքի ապագա ձևաչափը կքննարկվի կուսակցության ձևավորումից հետո

Այսօր կայացել է Հայ ազգային կոնգրեսի քաղխորհրդի նիստը, որում քննարկվել են «Հայ ազգային կոնգրես» կուսակցության ստեղծման համատեքստում «Հայ ազգային կոնգրես» դաշինքի գործունեության հետ կապված հարցեր: Որոշվել է վերսկսել ՀԱԿ քաղխորհրդի նիստերի անցկացումը և դաշինքի ապագա ձևաչափի քննարկումը կուսակցության ձևավորման ավարտից հետո:

Կոնգրեսի տարածած մեկ այլ հաղորդագրության համաձայն` նորաստեղծ կուսակցությանը անդամակցելու ցանկություն է արդեն հայտնել 81 քաղաքացի:

«Անդամակցելով այս խմբին՝ մենք ողջունում ենք նախաձեռնող խմբի հայտարարությունը և հայտնում, որ կիսելով ստեղծվելիք կուսակցության գաղափարախոսությունը՝ պատրաստ ենք դառնալ «Հայ ազգային կոնգրես» կուսակցության անդամ և մասնակցել նրա ձևավորման աշխատանքներին»,- 81 քաղաքացիներն այս հայտարարության տակ են ստորագրել:

Ստորագրահավաքի հեղինակը «Ազատության հրապարակ» քաղաքացիական նախաձեռնությունն է: Այն տեղի է ունեցել Սարյան պուրակում: