Իրաքցի գրոհայիններին տանջել են ծանր ռոքով

Իրաքում ամերիկացի հատուկ ջոկատայինները գրոհայիններին տանջել են Demon Hunter խմբի «քրիստոնեական հեւի-մեթալ» երգերով: Ընդ որում` մինչ այդ համաշխարհային հռչակ ունեցող Metallica խումբը խնդրել էր իր երաժշտությունը չկիրառել հարցաքննությունների ժամանակ.  Esquire ամսագրին պատմել է ԱՄՆ ռազմածովային ուժերի էլիտար հետեւակի զինվորներից մեկը, ով մասնակցել էր Ուսամա բեն Լադենի ոչնչացման գործողությանը:

Ըստ РИА Новости-ի` ի տարբերություն Metallica-ի, Demon Hunter-ի երաժիշտներն անգամ իրենք են այդ նպատակների համար նվիրաբերել իրենց ձայնասկավառակները:

Ի դեպ, զինվորը նաեւ խոստովանել է, որ բեն Լադենի սպանությանից հետո մշտապես վախենում է իր եւ իր ընտանիքի անդամների համար: