Տարոն Մարգարյանը, մտքերով ընկած, չէր լսում Սերժ Սարգսյանին

Արդեն տեղեկացրել ենք, որ Էրեբունի վարչական համայնքի բնակիչներն այսօր նախագահ Սերժ Սարգսյանին զարմացրեցին իրենց«ոչ ստանդարտ» հարցերով: Օրինակ` մի երիտասարդ աղջիկ, գրեթե բանաստեղծական առոգանությամբ, նախագահ Սերժ Սարգսյանին դժգոհեց, որ հիմա բնության գրկում հանգստանալն էլ է վճարովի դարձել եւ ամեն ծառ, կարծես, մեկինը լինի:

«Բայց ես չեմ կարծում, որ բոլոր ծառերի մոտ մարդիկ են սպասում»,- գրեթե ծիծաղալով արձագանքեց Սերժ Սարգսյանը:

Նախագահի թեկնածուի ամբողջական պատասխանը` Yerkir.am-ի տեսանյութում:

Ի դեպ, տեսանյութում երեւում է նաեւ, որ քաղաքապետ Տարոն Մարգարյանն այսօրվա հանդիպմանը մտքերով էր ընկած եւ միայն երկրորդ անգամ նախագահից իր անունը լսելուց հետո արձագանքեց Սերժ Սարգսյանին: Ի տարբերություն քաղաքապետի, ՀՀԿ-ական պատգամավոր Մհեր Սեդրակյանը` Թոխմախի Մհերը, իրեն առավել քան լավ ու հանգիստ էր զգում: