Բագրատյանը դարձյալ անդրադարձել է միասնական թեկնածուի հարցին

ՀՀ նախագահի թեկնածու Հրանտ Բագրատյանն այսօր Երեւանի Էրեբունի վարչական շրջանում իր նախընտրական քարոզարշավի ժամանակ հերթական անգամ անդրադարձել է նախագահի մյուս թեկնածու Պարույր Հայրիկյանի` միասնական թեկնածուով հանդես գալու առաջարկին:

Բագրատյանը հայտարարել է, որ Հայրիկյանը նախ եւ առաջ պետք է հանի իր թեկնածությունը: Այնուհետեւ նա առաջ է քաշել մի քանի պայմաններ, որոնց համաձայն` միասնական թեկնածուն պետք է փոխհատուցի մյուս թեկնածուների` քարոզարշավի ընթացքում վատնած գումարները, ինչպես նաեւ խոստանա, որ ընտրություններում պարտվելու դեպքում կմնան ընդդիմություն եւ չեն ճանաչի Սերժ Սարգսյանի հաղթանակը:

Հիշեցնենք, որ ավելի վաղ Հայրիկյանը բաց նակամով դիմել էր Հրանտ Բագրատյանին եւ Րաֆֆի Հովհաննիսյանին` առաջարկելով քննարկել միասնական թեկնածուի հարցը: Հովհաննիսյանը դեռ չի արձագանքել նրա առաջարկին: