Իմ հայրը գրել է "Ավե Մարիա"-ն, եւ դրանով ամեն ինչ ասված է. Սեդա Ազնավուր

Աշխարհահռչակ երգիչ Շառլ Ազնավուրի դուստրը՝ Սեդա Ազնավուրը, իր ֆեյսբուքյան էջում անդրադարձել է օրեր առաջ հայկական լրատվամիջոցներում շրջանառվող այն տեղեկատվությանը, թե իր քույրը՝ Կատյա Ազնավուրը, ամուսնացել եւ կրոնափոխ է եղել:

«Ուզում եմ ասել Facebook-ի իմ ընկերներին, որ մենք` Ազնավուրներս, հայկական ծագում ունենք, հետեւաբար` ծնվել ենք քրիստոնյա, ավելի ճիշտ` գրիգորյանական ուղղափառներ ենք: Պետք չէ հավատալ այն ամենին, ինչ գրում են թերթերը: Մենք՝ Ազնավուրներս, երբեք որեւէ կրոնի հետ չենք փոխի մեր հավատը, ինչպես նաեւ չենք անարգի ուրիշներին իրենց դավանանքի համար: Անհասկանալի է՝ ինչու կրոնափոխ լինենք, եթե այն ստացել ենք ժառանգաբար: Իմ հայրը գրել է «Ավե Մարիա»-ն, եւ դրանով ամեն ինչ ասված է»,- նշված է նրա տարածած հայտարարության մեջ: