Այսօր Ադրբեջանը տիեզերք կարձակի իր առաջին արբանյակը

Ադրբեջանական առաջին` հեռուստահաղորդակցման Azerspace արբանյակի արձակումը տեղի կունենա այս գիշեր. հայտարարել է Ադրբեջանի կապի եւ տեղեկատվական տեխնոլոգիաների նախարար Ալի Աբասովը «Ենի Ազերբայջան» իշխող կուսակցության կայքին տված հարցազրույցում:

Ըստ նրա` արբանյակը ստացիոնար ուղեծիր դուրս կբերվի Հարավային Ամերիկայում գտնվող Կուրու կայանից` ֆրանսիական Arianespacе ընկերության միջոցով. տեղեկացնում է РИА Новости-ն:

«Արեւելյան Եվրոպայի, Հյուսիսային Աֆրիկայի, ԱՊՀ-ի, Կենտրոնական եւ Արեւելյան Ասիայի երկրները ընդգրկող արբանյակը մեր երկրի համար կապահովի ինտերնետային եւ այլ տեսակի կապ, հեռուստահեռարձակում»,- նշել է նախարարը:

Ավելի վաղ Աբասովը հայտնել էր, որ նախագծի ընդհանուր արժեքը մոտ 230 մլն դոլար է, ներառյալ` արբանյակի` 17 մլն դոլարի ապահովագրությունը: Ենթադրվում է, որ արբանյակի շահագործման ծախսերը կկազմեն 600-650 դոլար: