Սահակաշվիլին քարոզում է քնած պատգամավորի լուսանկարով

Վրաստանի նախագահ Միխեիլ Սահակաշվիլին Քութայիսի բնակիչների հետ հանդիպման ժամանակ նրանց ցուցադրել է  քաղաքից մեծամասնական ընտրակարգով ընտրված` «Վրացական երազանք» դաշինքից պատգամավոր Գուբազ Սանիկիձեի լուսանկարը` խորհրդարանում քնած. տեղեկացնում է Новости-Грузия-ն:

Լուսանկարն, ի դեպ, տարածվել էր համացանցերում, եւ վստահեցվում էր, որ այն արվել է խորհրդարանական նիստի ժամանակ:

«Սա ձեր մեծամասնական պատգամավորն է, եւ քանի նա քնած է խորհրդարանում, դուք` քաղաքացիական հասարակությունը, պետք է արթնանաք, որպեսզի ձեզանից չխլեն խորհրդարանը, որպեսզի Վրաստանից չխլեն Վրաստանի համար շատ կարեւոր գաղափարը` ռեգիոնալիզմը, Վրաստանի ուժեղացման գաղափարը»,- ասել է Սահակաշվիլին քութայիսցիներին: