Թուրքիայում Զարաքօլուի նման մարդիկ քիչ են

Նրանք, ովքեր Թուրքիայում մի քիչ ազատ են մտածում, իրենց ճնշված են զգում. լրագրողների հետ հանդիպման ժամանակ կարծիք հայտնեց թուրք պրոֆեսոր Լեյլա Մեյզին: Նա նշեց, որ Թուրքիայում մի շարք լռեցված թեմաներ կան:

Yerkir.am-ի հարցին, թե համամի՞տ է վերջերս հայաստանյան քննարկումներից մեկի ժամանակ թուրք հրատարակիչ Ռագըփ Զարաքօլուի հնչեցրած այն կարծիքին, որ հայ-թուրքական հարաբերությունների միակ մեղավորը թուրքական կառավարությունն է, եւ եթե ժողովրդին թողնվեր, վաղուց արդեն հարցը լուծված կլիներ, Մեյզին պատասխանեց, որ լիովին համամիտ է Զարաքոլուի հետ:

«Շատ կարեւոր է, որ նույն հարթության վրա չդիտվի թուրքական կառավարությունն ու ժողովուրդը: Այո, Զարաքօլուն ճիշտ է, մարդիկ իրար ավելի հեշտ են հասկանում, եւ հետո վերջին շրջանում ժողովուրդը սկսել է այլ կերպ մտածել: Սակայն Թուրքիայում կա տեղեկատվության պակաս. ինտերնետը ոչ բոլորին է հասանելի»,- ասաց թուրք պրոֆեսորը` հավելելով, որ հենց տեղեկատվության պակասի պատճառով էլ Թուրքիայում Զարաքօլուի նման մարդիկ քիչ են: