Ճապոնիայում ձերբակալել են Իրան դրամական փոխանցումներ կատարողներին

Ճապոնիայի ոստիկանությունը ձերբակալել է Ben Line Agencies Japan նավային ընկերության երեք աշխատակցի, որոնք կասկածվում են Իրանի միջուկային ծրագրի համար անօրինական դրամական փոխանցումներ կատարելու մեջ. տեղեկացնում է Reuters գործակալությունը:

Խոսքը իրանական պետական ընկերության սինգապուրյան դուստր-ձեռնարկության մասին է: 2011 թվականի նոյեմբերին եւ 2012 թվականի փետրվարին կասկածյալները այդ ձեռնարկության հաշվին 14 մլն իեն (մոտ 158 հազար դոլար) են փոխանցել` դրա համար չստանալով ճապոնական իշխանությունների թույլտվությունը: Այդ քայլը խախտում է Ճապոնիայի կողմից Իրանի նկատամամբ սահմանված պատժամիջոցները, այդ թվում` IRISL-ի ակտիվների սառեցումը:

Ben Line Agencies Japan-ի ներկայացուցիչն ասել է, որ չի կարող մեկնաբանել իրադրությունը: