Բարև բոլորին. գալիս է Րաֆֆին

Րաֆֆի Հովհաննիսյանի նախընտրական քարոզարշավի ամբողջ ընթացքում «Ժառանգություն» խմբակցության պատգամավոր Զարուհի Փոստանջյանը կլինի նրա կողքին. yerkir.am-ի հետ զրույցում ասաց պատգամավորը` չհասցնելով այլ մեկնաբանություններ տալ` շտապում էր քաղաքացիներին բաժանել «Հնարավոր է» կարգախոսով բուկլետները:

Շտապում էր նաև նախագահի թեկնածուն:  Րաֆֆի Հովհաննիսյանի, ավարտելով ելույթը, նախ մոտեցավ մարզերից և Երևանի վարչական շրջաններից ժամանած միկրոավտոբուսներին և բարևեց վարորդներին, ապա այցելեց Կարապի լիճ, սովորության համաձայն բարևեց իրեն հանդիպող մարդկանց, անգամ` սահադաշտում սահողներին, ապա Հյուսիսային պողոտայով ուղևորվեց Հանրապետության հրապարակ:

Ի դեպ, քաղաքական գործիչը ճանապարհին ոչ մի խախտում չարեց` անցավ հետիոտների համար նախատեսված անցումներով, անգամ` զիջեց մեքենաներին: