Դավայ, դասվիդանիա

Լրատվամիջոցներում հայտնված տեղեկությունների համաձայն` Սերժ  Սարգսյանը, կարծես, մտադիր է ընտրություններից հետո Տիգրան Սարգսյանին ետ ուղարկել Կենտրոնական բանկ, բայց Տիգրան Սարգսյանն էլ իր շրջապատում ակնարկել է, թե պաշտոնանկության դեպքում կարող է ընդհանրապես հեռանալ Հայաստանից:

«Չորրորդ ինքնիշխանությունը» գրում է. «Սա թերևս վերջին շրջանում մամուլում հայտնված բարեբաստիկ լուրն էր: Հետո էլ ասում են, որ Սերժ Սարգսյանի վերընտրվելու դեպքում Հայաստանին ոչ մի լավ բան չի սպասվում: Հենց միայն Տիգրան Սարգսյանի' Հայաստանից հեռանալը լուրջ խթան կարող է դառնալ եթե ոչ տնտեսության, ապա գոնե բարոյահոգեբանական մթնոլորտի նառողջացման համար: Պայմանով, իհարկե, որ Տիգրան Սարգսյանը Հայաստանում թողնի իր  «արդար վաստակը» և հեռանա' իր հետ տանելով միայն այն, ինչ ուներ մինչև Կենտրոնական բանկի նախագահ դառնալը (այսինքն' երկու վերնաշապիկ, մի զույգ բոթաս և չորս զույգ գուլպա, որոնցից երկուսը' համարյա չհագած):

Մի խոսքով' «ՉԻ»-ն ողջունում է Տիգրան Սարգսյանի ցանկությունը և վստահ է, որ ուր էլ գնա' ի վիճակի կլինի 18 մլն դոլար վաստակել` գյուղատնտեսական թեմաներով դասախոսություններ կարդալով»: