Հացադուլն ինձ համար պրոբլեմ չէ. Րաֆֆի Հովհաննիսյան

Արդեն տեղեկացրել ենք, որ ՀՀ նախագահի թեկնածու Անդրիաս Ղուկասյանը նամակ է ուղարկել ԿԸՀ եւ պահանջում է բացառել գործող նախագահ Սերժ Սարգսյանի մասնակցությունն ընտրություններում: Իր պահանջը չկատարելու դեպքում սեպտեմբերի 21-ից նախագահի թեկնածուն պատրաստվում է քարոզարշավի:

Այսօր լրագրողները նախագահի մեկ այլ թեկնածու` «Ժառանգություն» կուսակցության հիմնադիր Րաֆֆի Հովհաննիսյանից հետաքրքրվեցին, թե ինչպե՞ս է վերաբերվում այդ երեւույթին եւ հնարավո՞ր է, որ միանա հացադուլին:

«Հացադուլն ինձ համար պրոբլեմ չէ»,- հայտարարեց Րաֆֆի Հովհաննիսյանը եւ ընդգծեց, որ հեշտ է դրա մասին հայտարարել, իսկ ինքը 15 օրը կարող է դարձնել 35 օր: Հովհաննիսյանը Ղուկասյանին կոչ արեց արեց չդիմել այդ քայլին, «որովհետեւ պետք չէ դա անել»:

«Բայց եթե, ի վերջո, իր խոսքը եւ գործը մեկ անի, ես կայցելեմ իրեն առաջին իսկ օրը եւ կխնդրեմ, որ դուրս գա հացադուլից»,-հայտարարեց նախագահի թեկնածուն: