Կիսատ-պռատ ցնծություն

Մամուլի տեղեկությունների համաձայն` վերջերս Գյումրիի նախկին քաղաքապետ Վարդան Ղուկասյանի որդին իրենց ընտանիքին պատկանող «Ալեքսանդրապոլ» հյուրանոցում ծեծել է «Հայռուսգազարդի» Գյումրիի մասնաճյուղի տնօրենին, որովհետև վերջինս պահանջել էր վճարել օգտագործած գազի դիմաց:

«ՉԻ»-ն, մեկնաբանելով լուրը, գրում է. «Այս փաստը հերթական անգամ վկայում է, որ Հայաստանում բոլորը չէ, որ հավասար են օրենքի առաջ: Համաձայնեք` գազի տեսուչներին ծեծելու ցանկություն ունենում է ՀՀ ազգաբնակչության առնվազն 90 տոկոսը, և անհասկանալի է, թե ինչու՞ պիտի այդ բնական պահանջը բավարարելու արտոնություն ունենան միայն ընտրյալները: Որտե՞ղ է արդարությունը»: