Պակիստանում եռօրյա սուգ է հայտարարվել

Պակիստանի Բելուջիստան նահանգում եռօրյա սուգ է հայտարարված հունվարի 10-ին տեղի տեղի ունեցած ահաբեկչությունների կապակցությամբ, որոնք, ընդհանուր առմամբ, 115 մարդու կյանք են խլել. հայտնում է The Dawn-ը:

Միաժամանակ մի շարք մասնավոր խանութներ, առևտրի կենտրոններ, ձեռնարկություններ մեկօրյա գործադուլ են հայտարարել` ի նշան ահաբեկչության դեմ բողոքի:

Հիշեցնենք, որ երեկ երեկոյան Պակիստանի Քվետա քաղաքում կրկնակի պայթյուն էր որոտացել, ինչի հետևանքով 81 մարդ զոհվել է, 120-ը`վիրավորվել: Առաջին պայթյունը տեղի էր ունեցել բիլիարդի ակումբում, երկրորդը որոտացել էր 10 րոպե անց` մոտակայքում գտնվող մեքենայում: Ահաբեկչության պատասխանատվությունը ստանձնել է իսլամիստական «Լաշքար ի Թայբա» («Մաքուրների բանակ») շարժումը: Նույն օրը` ավելի վաղ,  Քվետայի այլ հատվածում` շուկայում, նույնպես պայթյուն էր որոտացել, որը հետևանքով 12 հոգի զոհվել էր, 40-ը` վիրավորվել: