Շարունակում են փակ մնալ Սելիմի լեռնանցքը եւ Բերդ-Ճամբարակ ճանապարհահատվածը

Հայաստանի Հանրապետության տրանսպորտի եւ կապի նախարարությունը հայտնում  է, որ հունվարի 11-ին` ժամը 09.45-ի դրությամբ,  սաստիկ բքի եւ տեսանելիության բացակայության պատճառով փակ են Տավուշի մարզի Բերդ-Ճամբարակ ճանապարհահատվածն ու Սելիմի լեռնանցքը: Բքի պատճառով դժվարանցանելի է Քուչակ-Ապարան-Ալագյազ ճանապարհահատվածը: 

Հանրապետությունում ջերմաստիճանի կտրուկ նվազման պատճառով ճանապարհներին առկա է մերկասառույց. անվտանգ  երթեւեկությունն ապահովելու նպատակով ավտոճանապարհներին  իրականացվում են մաքրման, աղով ու ավազով մշակման աշխատանքներ:  

ՀՀ տրանսպորտի և կապի նախարարությունը վարորդներին խորհուրդ է տալիս երթևեկել ձմեռային անվադողերով: