Բեթհովենը վտանգավոր է երթեւեկության համար

Բրիտանացի գիտնականները հերքել են կարծիքը, որ մեքենա վարելիս դասական երաժշտություն լսելը անվտանգ է դարձնում ճանապարհը: London Metropolitan University-ի մասնագետները պարզել են, որ դասական երաժշտությունը նվազեցնում է վարորդի ուշադրությունն ու ռեակցիան. տեղեկացնում է ИТАР-ТАСС-ը:

Գիտնականները կազմել են վարորդների համար «ամենավտնագավոր» երաժշտության ցանկը: Առաջին տեղում Բեթհովենի 5-րդ սիմֆոնիան է, երկրորդ տեղում` Բախի ռե մինոր տոկատան եւ ֆուգան, երրորդում` Շտրաուսի «Երկնագույն Դանուբ» վալսը:

«Փորձարկում» է անցել նաեւ ռոք երաժշտությունը: Պարզվել է, որ բազմաթիվ ռոք ստեղծագործություններ բարենպաստ ազդեցություն ունեն վարորդների վրա, օրինակ` Էլթոն Ջոնի եւ Aerosmith խմբի երգերը:

Ուսումնասիրությունները ցույց են տվել նաեւ, որ վարորդների համար լավագույն երաժշտական տեմպն այն է, որը համապատասխանում է սրտի բաբախյունին: