2013-ին հայկական գորգերը կներկայացվեն աշխարհին

2013-ին նախատեսվում է ֆիլմ նկարահանել հայկական գորգերի մասին. yerkir.am-ի հետ զրույցում նշեց ՀՀ մշակույթի նախարար Հասմիկ Պողոսյանը: Նախարարը նշեց, որ 2013-ին հայկական գորգը կներկայացվի աշխարհին:

Ըստ Պողոսյանի` Հայաստանի պատմության թանգարանում 2013-ին կբացվի գորգերի մշտական ցուցադրություն:

«Արդեն ստեղծվել է գորգերի վիրտուալ թանգարան, որը նույնպես հաջորդ տարի կներկայացվի: Պատրաստվում ենք վերահրատարակել նաեւ գերմանացի մի հետազոտողի աշխատությունը հայկական գորգերի մասին»,- ասաց նախարարը` հավելելով, որ Մայր Աթոռի հետ կանցկացվի գիտաժողով, որին անդրադարձ կատարվի հայկական գորգերի ստեղծման պատմությանը: