ՀՀ ԿԲ-ն դադարեցրել է ''Կոնտակտ'' եւ ''Բլիզկո'' համակարգերի գործունեությունը Հայաստանում

Հայաստանի Կենտրոնական բանկն այսօր` դեկտեմբերի 26-ին, ուժը կորցրած է ճանաչել «Կոնտակտ» եւ «Բլիզկո» վճարահաշվային համակարգերին տրված թույլտվությունները:

Ըստ ՀՀ ԿԲ հաղորդագրության` նշված համակարգերը վտանգել են Հայաստանի ֆինանսական համակարգի կայունությունը եւ իրացվելիությունը: Մասնավորապես` «Կոնտակտ» վճարահաշվարկային համակարգի օպերատոր հանդիսացող ЗАО АКБ «Русславбанк»-ը անհիմն եւ առանց որեւէ պատճառաբանության, խախտելով հայաստանյան մի շարք առեւտրային բանկերի հետ կնքված պայմանագրերը, չի ապահովել (դադարեցրել է) բանկերում իր համակարգից օգտվելու՝ բանկերի իրավունքը:

«Բլիզկոյի» հետ կապված ԿԲ պատճառաբանությունն այն է, որ այն խախտել է ԿԲ ուղեցույցներից մեկը` «Արտասահմանյան վճարահաշվարկային համակարգում մաuնակցության հետեւանքով Հայաստանի Հանրապետության ֆինանսական համակարգի կայունությունը եւ (կամ) իրացվելիությունը եւ (կամ) վճարունակությունը վտանգելու մասին»: