Երկրի կայունությունը սփյուռքահայերին ձգում է դեպի հայրենիք

ՀՀ Սփյուռքի նախարար Հրանուշ Հակոբյանը տարեվերջյան ասուլիսին հայտարարեց, որ Հայաստանում տիրող ներքին կայունությունը սփյուռաքահայերին ձգում է դեպի հայրենիք: Ըստ նրա` արդեն իսկ նկատելի են Սփյուռքի նախարարության սկսած ծրագրերի արդյունքները:

«Մեր ծրագրերը ծիլեր են տալիս, եւ սփյուռքահայերի հետ մեր համագործակցությունը տեղափոխվում է նոր մակարդակ` մի շարք ծրագրեր դառնում են համահայկական»,- ասաց նախարարը` հավելելով, որ նախարարության գլխավոր խնդիրը աջակցելն է, որպեսզի հայը, հայրենիքից դուրս ապրելով, հայ մնա:

Նախարարը նշեց նաեւ, որ այս տարվա գերակա խնդիրը, բնականաբար, սիրիահայերի խնդիրներն էին. «Այս առումով` կուզեի շնորհակալություն հայտնել ՀՅԴ-ին «Օգնիր եղբորդ» նախաձեռնության համար, որի շնորհիվ մեծ օգնություն է հասցվել սիրիահայ համայնքին»: