ՀՀ 250 ուսանող միջպետական պայմանագրերով սովորել է արտերկրի բուհերում

Այս տարի 250 ուսանող հնարավորություն է ստացել միջպետական պայմանագրերով սովորել արտերկրի բուհերում. այս մասին լրագրողների հետ հանդիպմանը հայտարարեց ՀՀ ԿԳ նախարար Արմեն Աշոտյանը:

Ամփոփելով տարին` նա տեղեկացրեց նաեւ, որ ՀՀ բուհեր են ընդունվել 1400 արտասահմանցի ուսանողներ:

«Խստացվել է բուհերի լիցենզավորումը. 2009-ից առ այսօր 90 մասնավոր բուհերից մնացել են 34-ը, ինչը նպաստում է բուհերի խոշորացմանը: Քոլեջներում 50 տոկոսով ավելացել է նաեւ պետպատվերի տեղերը, իսկ տարրական դասարանների համար դասագրքերն անվճար են բաժանվել»,-ասաց Աշոտյանը:

Նախարարը կարեւորեց նաեւ այն հանգամանքը, որ 1100 դպրոցներ ունեն զենքի համար նախատեսված սենյակներ, եւ 22 000 աշակերտներ ռազմադաշտային պարապունքների են մասնակցել: