Սոմալիի ափերի մոտ խորտակվել է միգրանտներ տեղափոխող նավ

Սոմալիի ափերի մոտ խորտակվել է 60 անօրինական միգրանտ տեղափոխող նավ: Ուղեւորների մեծ մասը զոհվել է. տեղեկացնում է Reuters-ը` վկայակոչելով ՄԱԿ-ի Փախստականների հարցերով գործակալությունը:

Եթովպիայի եւ Սոմալիի քաղաքացիներ տեղափոխող նավը դեկտեմբերի 18-ին դուրս էր եղել Բոսասո նավահանգստից եւ ուղեւորվում էր Եմեն: Անօրինական միգրանտները նման կերպ Աֆրիկայից հասնում են Մերձավոր Արեւելք, այնտեղից էլ ` Եվրոպա:

Ողջ մնացած 5 սոմալեցիներ հայտնել են, որ նավը խնդիրներ է ունեցել նավահանգստից դուրս գալուց անմիջապես հետո, իսկ ուղեւորությանն սկզբից 15 րոպե անց 60 ուղեւորները հայտնվել են ջրում: Ողբերգության պատճառն այն է , որ նավը գերբեռնված է եղել:

Ներկայումս հայտնաբերվել է ընդամենը 23 դիակ, այդ թվում` 14 կնոջ եւ 1 երեխայի: