Կովերի պաշտպան արքայազն Չարլզը

Կովերն այսուհետ վտանգի պահին կարող են օգնություն խնդրել Մեծ Բրիտանիայի արքայազն Չարլզից:

Օրերս արքայազնը տիկնոջ` Կամիլայի հետ այցելել է Տանզանիա, որտեղ նրան շնորհվել է կովերի պաշտպանի տիտղոսը. տեղեկացնում է The Telegraph-ը:

Հայտնի է, որ արքայազնը հետաքրքրված է գյուղատնտեսությամբ եւ հենց այդ պատճառով էլ Տանզանիայի հյուսիսում ապրող մասաի ցեղը արքայազնին դարձրել է «օլոյշիրու ինգիշու»: Տեղի անասնապահների մոտ սա ամենաբարձր կոչումն է, թարգմանաբար նշանակում է մարդ, ում կովերն օգնության են կանչում, երբ դժբախտության մեջ են հայտնվում:

Ի դեպ, արքայազնը ինքը զբաղվում է անասնապահությամբ, նա ունի ավելի քան 800 գլուխ կով: