ՀԱՅԱՑՔ. Գյուղվարկերն ուշացնում են

Թեև կառավարությունը մշտապես հայտարարում է, թե աջակցում է գյուղացուն, սակայն աշնանացանի սեզոնը վերջանում է, իսկ որոշ մարզերում գյուղացիները գյուղվարկեր դեռ չեն ստացել: Այնինչ տարեսկզբից հայտարարվում էր, թե աշնան վարկերը կհատկացվեն օգոստոսի վերջին, որպեսզի գյուղացիները կարողանան նախապատրաստվել աշնանացանին:

Արմավիրի մարզի հողագործներից ստացված տեղեկատվության համաձայն`  վարկերի տրամադրումը սկսվել է սեպտեմբերի կեսից, սակայն  մինչ օրս դեռ շատ գյուղացիներ հերթի մեջ են և վարկ չեն ստացել: Դա այն դեպքում, երբ տարեսկզբին երկրի ղեկավարի մակարդակով էր հայտարարվել վարկերի հատկացման գործընթացը կազմակերպված իրականացնելու մասին:

Գյուղացիները թերթին նաև տեղեկացրել են, որ որոշ մարզերում գյուղվարկերի դիմաց իրենցից գրավներ են պահանջել, իսկ ոմանց առանց գրավի են փող տվել: