Գալուստ Սահակյանի "մեսիջները" տեղ չհասան

Խոսակցությունները ԱԺ նախագահի պաշտոնի հավանական թեկնածուի մասին դեռեւս շարունակվում են, իսկ հանրապետականները «ոչ կոռեկտ» են համարում հաջորդի մասին խոսելը, քանի դեռ խորհրդարանը շարունակում է ղեկավարել Հովիկ Աբրահամյանը:

Այնուհանդերձ, «Երկիր»-ի թղթակցին հաջողվել է ճշտել. խորհրդարանն առաջիկա ամիսներին հաստատ ղեկավարելու է ԱԺ ներկայիս փոխնախագահ, հանրապետական Սամվել Նիկոյանը: Լուրերը, թե խորհրդարանի փոխխոսնակը կին է լինելու, երեկ նույնպես հաստատվեցին. Սամվել Նիկոյանին կփոխարինի դարձյալ հանրապետական պատգամավոր Հերմինե Նաղդալյանը:

Փաստորեն, սկզբնական շրջանում շրջանառվող երեք անուններից մեկը` Դավիթ Հարությունյանը, հրաժարվեց ստանձնել այդ պաշտոնը, իսկ մյուսի`  ՀՀԿ խմբակցության ղեկավար Գալուստ Սահակյանի «մեսիջները»` խորհրդարանը ղեկավարելու ցանկության եւ պատրաստակամության մասին, տեղ չհասան: