Ձերբակալվածը զորամասի շտաբի պետն է

Այսօր առավոտյան լուրեր էին շրջանառվում, թե կաշառք վերցնելու փաստով Հայաստանի պաշտպանության նախարարության փոխգնդապետ է ձերբակալվել: 

ՀՀ ՊՆ քննչական ծառայությունից  արդեն հաստատել են տեղեկությունը: ՀՀ ՊՆ N  զորամասի շտաբի պետը 2011թ. նոյեմբերի 8-ին ձերբակալվել է նույն զորամասի ժամկետային զինծառայողին մեկ այլ զորամաս տեղափոխելու համար կաշառք ստանալու կասկածանքով:

N  զորամասի շտաբի պետին 3000 ԱՄՆ դոլար կաշառք տալու մասին օպերատիվ տեղեկությունների հիման վրա ՊՆ քննչական ծառայության հատկապես կարևոր գործերի քննչական բաժնում ՀՀ քրեական օրենսգրքի 311 հոդվածի 3-րդ մասի 3-րդ կետով նախատեսված հանցագործության հատկանիշներով 2011թ. նոյեմբերի 8-ին հարուցվել է քրեական գործ և կատարվում է նախաքննություն: