Այնքան ունենք, որ ուրիշին ենք տալիս

Հայաստանը կարտոֆիլի արտադրության առումով ինքնաբավ երկիր է. լրագրողների հետ հանդիպման ժամանակ հայտարարեց գյուղատնտեսության փոխնախարար Սամվել Գալստյանը:

«Այս տարի արտադրվել է կարտոֆիլի իդեալական բերք, արդեն Ռուսաստանի Կրասնոդարի երկրամաս է արտահանվել ավելի քան 430 տոննա կարտոֆիլ»,- նշեց նա:

Ըստ փոխնախարարի` կարտոֆիլի գինը, նախորդ տարվա նույն ժամանակաշրջանի համեմատ, նվազել է. գյուղատնտեսական շուկաներում 1 կգ կարտոֆիլը, ըստ որակական հատկանիշների, վաճառվում է 160-250 դրամի սահմաններում:

Ի դեպ, օրեր առաջ Հայաստանի ագրարագյուղացիական միավորման նախագահ Հրաչ Բերբերյանը հայտարարեց, որ իր կանխատեսումների համաձայն` 2012-ի գարնանը կարտոֆիլը կթանկանա: Այդ կանխատեսումների հետ Ս. Գալստյանը համաձայն չէ. «Կարտոֆիլի գինը բարձր չի կարող լինի, համոզված եմ` ցածր կլինի»: